Automatismoak
Gaur egun, itsasontziak oso automatizatuta daude, sistema konplexuekin eta elkarri konektatuta. Hidraulika, pneumatika, elektrizitatea eta elektronika etengabe nahasten dira ontzian. Eta sistema osoa kontrolatzen duten Scada pantailetan aurkezten dira. Ikasleek instalazio bat egiteko beharrezko osagai guztiak muntatzen dituzten panelen laguntzaz ikasten dituzte kontzeptu horiek guztiak. Sistema oso didaktikoa da, eta elementuak erraz antzeman daitezke benetako edozein instalaziotan.
Elektrizitatea
Elektrizitatea presente dago gure bizitzako jarduera guztietan. Itsas ingurunean funtsezkoa da askotariko ekipoetan, hala nola sorgailuetan, motorretan edo kontrol-instalazioetan.
Gainera, oro har, erregai fosilen ordez ingurumenean eragin txikiagoa duten energia alternatiboak erabiltzeko joera dago.
Horregatik, eskolan Itsas Sektorean aplikatutako azken teknologien berri dugu.
Hotza
Hozkailuek berebiziko garrantzia dute upategian sartu ondoren arrainaren hotz-kateari eusteko.
Hotz industrialeko 6 instalazio oso ditugu, eta ikasleek bertan muntatzen eta desmuntatzen dituzte osagai guztiak.
Era berean, “Didafri” ekipo didaktiko berezi baten bidez fluidoak ikus daitezke instalazio mota honetan ohikoak diren elementu guztiak dituen zirkuitu baten barruan. Fluido-, elektrizitate- eta automatismo-elementuak integratzen ditu.
Simulagailuak
- GMDSS simulagailua.
Eskolak azken belaunaldiko simulagailu bat du, eta bertan itsasoko telekomunikazio-egoeren oso antzekoak errepikatzen dira.
- Radarraren, karta elektronikoen eta nabigazioaren simulagailua.
Simulagailuak arrisku-egoerekin lan egin behar denean edo azpiegituraren kostua handia denean erabiltzen dira batez ere.
Horregatik, erruz erabiltzen dira nabigazio-maniobren entrenamenduan eta larrialdi-egoeretan. Ikasleak inolako arriskurik gabe entrenatzeko aukera ematen dute, haien trebetasunak hobetuz eta konfiantza sortuz.
